Námsráðgjafi stýrir skólavinaverkefninu í 7. bekk í samstarfi við umsjónarkennara og aðstoðarskólastjóra yngra stigs. Verkefnið hefur það að leiðarljósi að efla félagsanda, samkennd nemenda og sporna gegn einelti.  Markmiðið með verkefninu er fjórþætt:

• að virkja nemendur til þátttöku í leikjum
• að auka samskipti milli eldri og yngri nemenda
• að eldri nemendur fái tækifæri til að hafa áhrif á líðan yngri nemenda í skólanum
• efla vitund  nemenda um einelti og hvetja þá til að horfa ekki á heldur hjálpa

Nemendur í 7. bekk taka þátt í verkefninu og er þeim skipt í hópa sem fara út á skólalóð í frímínútum kl. 10:10.