Árbæjarskóli er einn stærsti grunnskóli landsins, staðsettur í einstöku umhverfi Elliðaárdalsins. Skólinn á sér 50 ára starfssögu. Á árunum 1956 - 1966 var Árbæjarskóli starfræktur í samkomuhúsi á Árbæjarblettinum þar sem kennt var í þremur deildum en haustið 1967 hóf skólinn göngu sína í nýju húsi með 421 nemanda.

Í dag er Árbæjarskóli grunnskóli fyrir nemendur í 1.-10. bekk.  Hann er einsetinn og eru nemendur hans u.þ.b. 690 talsins. Skólinn er safnskóli á unglingastigi en þá koma til náms nemendur úr Árbæjarskóla, Ártúnsskóla og Selásskóla. Starfsmenn skólans eru um 100 sem sinna mismunandi störfum í þágu nemenda.

Með stjórnun skólans fara auk skólastjóra, tveir aðstoðarskólastjórar, deildarstjóri,  verkefnastjóri, nemendaráð og skólaráð.

Einkunnarorð Árbæjarskóla eru: Ánægja – Áhugi – Ábyrgð – Árangur og er þeim ætlað að gefa tóninn fyrir skólabraginn og vera leiðarljós í öllu starfi skólans.

 

Skólinn er opinn á skrifstofutíma frá kl: 7:45 til 15:45 dag hvern.

Sími skólans er 411 7700

Netfang skólans er arbaejarskoli@rvkskolar.is.

Heimasíða skólans er https://www.arbaejarskoli.is

Facebooksíða skólans er https://www.facebook.com/arbaejarskoli/?ref=aymt_homepage_panel